Stans i mottak av landbruksplast på SIMAS sine miljøstasjonar
Frå 1. august er det slutt på mottak av landbruksplast på alle miljøstasjonar hos SIMAS. Det vil framleis vere mogleg å levere direkte til avfallsmottaket på hovudanlegget i Festingdalen.
Landbruksplasten skal vere sortert og rein, slik at den kan gå vidare til attvinning.
Miljøavgifta som betalast ved innkjøp av landbruksplast går til å dekke handsaminga av plasten frå Festingdalen og vidare til attvinning. Den dekker ikkje kostnader knytt til frakt av landbruksplast mellom miljøstasjonane og Festingdalen. Denne kan bestillas hos oss i Sirkla Ressurs om de ønskjer.
Sjølv om plasten brukast “heime” på garden, er dette definert som næringsavfall og kjem under våre tenester.
